Caiff gwyliau/digwyddiadau eu rheoli gan ddeddfwriaeth a rheoliadau. Yn aml ceir cosbau llym am fethu â chydymffurfio â’r rhain, felly efallai y byddwch am gymryd cyngor cyfreithiol proffesiynol. Dylech ystyried y rheoliadau hyn wrth ddiffinio rolau a chyfrifoldebau pobl.

Gall fod yn ddefnyddiol cydweithio’n agos â’r cyngor lleol, gan ei fod yn aml yn arolygu gwyliau a digwyddiadau cymunedol a lleol.

Fel arfer trefnydd yr Ŵyl neu’r Digwyddiad sydd â’r atebolrwydd cyfreithiol dros y digwyddiad. Fel arall, gall grŵp neu bwyllgor rannu cyfrifoldeb ar y cyd – yn ôl y gyfraith, ystyrir eu bod yn ‘atebol ar y cyd ac yn unigol’.

Gall pwyllgor trefnu ar gyfer digwyddiad dielw ddod yn endid cyfreithiol drwy ffurfio cymdeithasiad corfforedig.

Sicrhewch fod gan isgontractwyr a chontractwyr hunangyflogedig yr yswiriant a’r polisïau asesiad risg perthnasol. Mynnwch gopïau o’r polisïau hyn ac o gytundebau a lofnodwyd, a sicrhewch eu bod yn cydymffurfio â gofynion ac amodau cyfreithiol.

Efallai y byddwch am wirio bod yr agweddau canlynol wedi’u cwmpasu ynddynt

• Canslo
• Blaendaliadau
• Cosbau am gwblhau’n hwyr
• Deddf Disgrifiadau Masnach
• Darlledu/Cyfryngau
• Logo/nod masnach
• Dyletswydd Gofal fel rhan o Gyfrifoldeb Meddiannwr
• Cyflenwyr Nwyddau a Gwasanaethau
• Iechyd a Diogelwch
• Deddf Gwahaniaethu ar sail Anabledd
• Rheoli Risg
• Rheoliadau Hylendid Bwyd
• Cymdeithas Lleoliadau Arddangosfeydd

Pwyntiau Allweddol:

• Mynnwch gyngor cyfreithiol e.e. gan yr Awdurdod Lleol, Cyfreithiwr, Yr Awdurdod Gweithredol Iechyd a Diogelwch
• Sicrhewch fod pob agwedd ar y gwaith o drefnu a gweithredu’r ŵyl/digwyddiad yn cydymffurfio â’r anghenion cyfreithiol
• Sicrhewch fod pob aelod o’r tîm yn deall cyfrifoldebau cyfreithiol y tîm

Gweler Hefyd:

1.9 Sicrhau’r caniatâd angenrheidiol
1.11 Tîm Trefnu
2.1 Cadarnhau pwy sy’n gwneud beth
2.3 Dechrau’r Broses o Sicrhau Caniatâd
2.5 Yswiriant – trefnu/cael dyfynbris
Adran 4 Cynllun Digwyddiadau Wrth Gefn
Adran 7 Astudiaethau Achos