Roedd Gŵyl y Glannau 2003 yn ddigwyddiad deuddydd a drefnwyd gan Gyngor Bro Morgannwg yn y Barri. 2003 oedd yr ail flwyddyn i’r ŵyl gael ei chynnal.

Y prif atyniad oedd ymweliad y llong STA Stavros S Niarchos, a agorodd i’r cyhoedd ar gyfer teithiau tywys.

Roedd y digwyddiad amlochrog hwn yn cynnwys detholiad o weithgareddau er mwyn annog ymwelwyr i ddychwelyd i Gymru ac i’r ardal, yn cynnwys:

• Teithiau Rheilffordd Stem
• Marchnad Ffermwyr
• Ffair Grefftau
• Hen Fysiau

Cerddoriaeth fyw ac adloniant (yn cynnwys Funhouse ac Owen Money o Radio Wales)

Cyflwynwyd gŵyl 2003 mewn dulliau amrywiol er mwyn apelio at gynulleidfaoedd gwahanol. Hen Drafnidiaeth a Bwyd oedd y ddwy brif thema, gyda cherddoriaeth ac adloniant ychwanegol.

Gweithiodd y trefnwyr yn agos gydag Awdurdod y Porthladdoedd, Awdurdod Datblygu Cymru (WDA) ac atyniadau arbenigol eraill er mwyn sicrhau llwyddiant y digwyddiad.

Roedd gan y digwyddiad gyfnod rhagarweiniol byr o 6 wythnos, a chyflawnwyd asesiad risg cyn dechrau’r broses gynllunio. Roedd diogelwch y cyhoedd yn y lleoliad glan y dŵr hwn yn hollbwysig.

Cynlluniwyd y digwyddiad gan weithgor bach a gadeiriwyd yn dda gyda chyfarfodydd yn cadw’n dynn at eu hamserlen. Roedd gan drefnydd y digwyddiad gyfrifoldeb cyffredinol a rheolaeth dros bob agwedd, yn cynnwys rhestrau cyswllt ar gyfer yr holl bersonél a oedd yn cymryd rhan.

Cynhyrchodd y tîm brif ffeil er mwyn cofnodi’r holl wybodaeth drefniadol a gweithredol rhag ofn y byddai unrhyw un y sâl ar ddiwrnod y digwyddiad. Caiff y drefn hon ei defnyddio fel model ar gyfer trefnu digwyddiadau a gwyliau tebyg yn y dyfodol.

Darparwyd nawdd gan Gyngor Bro Morgannwg a Chynlluniau Cyllido Bwyd-amaeth Awdurdod Datblygu Cymru (WDA).

Trefnwyd Stiwardiaid drwy’r ganolfan galw i mewn lleol. Chwaraewyd rôl allweddol ganddynt yn y gwaith o reoli’r cyhoedd ar y diwrnod, a chawsant hyfforddiant ar ryngweithio cymdeithasol, cymhelliant ac ymrwymiad.

Cynlluniwyd yr ymgyrch farchnata a hyrwyddo yn ofalus. Rhyddhawyd gwybodaeth i’r cyhoedd fesul tipyn, gan bwysleisio’r ffaith bod y mwyafrif o ddigwyddiadau am ddim. Wrth i’r digwyddiad agosáu, cynyddwyd nifer y posteri, taflenni a sylw yn y cyfryngau.

Roedd taflenni a gynlluniwyd yn ofalus yn cynnwys:

• Lleoliad y digwyddiad
• Esboniad o’r digwyddiad
• Dyddiad
• Logos y noddwyr
• Pris
• Yr amserlen
• Manylion cyswllt ar gyfer gwybodaeth yn cynnwys rhifau ffôn a chyfeiriadau’r wefan

Mynychodd 7,000 o bobl yn 2002, ac 14,000 yn 2003.

Dolenni Defnyddiol:

www.waterfrontbarry.com

Pwyntiau Allweddol:

• Cynllunio manwl ymlaen llaw er mwyn cwrdd ag amserlenni tynn
• Sicrhewch fod trefniadau nawdd/cyllido ar waith yn gynnar
• Cadwch y gweithgor yn fach, dewiswch y tîm ac arbenigwyr yn ofalus
• Fel tirfeddiannwr, cofiwch eich dyletswydd gofal i’r gymuned
• Mynnwch gyngor cyfreithiol (e.e. yswiriant, atebolrwydd cyhoeddus, cae ffair)
• Cydymffurfiad â deddfwriaeth (cyngor gan y Ddeddf Gwahaniaethu ar sail Anabledd)
• Ymgynghorwch â’r heddlu ynglŷn ag alcohol, cau ffyrdd, plant/ gwirio oedolion diamddiffyn
• Cysylltiadau manwl â’r cyfryngau
• Agweddau iechyd a diogelwch (e.e. offer tân yn y pebyll mawr, bwyd, arall)
• Cysylltwch â phawb sy’n ymwneud â’r digwyddiad (e.e. Rheilffordd Stem, Ffermwyr, Marchnad)
• Cofiwch roi cronfeydd/cynlluniau wrth gefn ar waith - (tir wedi ei orlifo gan arwain at gostau ychwanegol nas rhagwelwyd i bwmpio’r dŵr i ffwrdd)
• Cadw cofnodion manwl a rhestrau cyswllt ar gyfer argyfyngau
• Bydd trefn wirio yn sicrhau llwyddiant (e.e. amserlen dasgau; amserlen gyfarfodydd, rhestrau cyswllt, briffiadau bob dydd)
• Adborth dilynol ar ôl y digwyddiad gyda’r gweithgor ac eraill
• Diolch i bawb am gymorth a help