Erbyn hyn dylech fod wedi nodi unrhyw ddiffygion ariannol ac wedi cysylltu â darpar sefydliadau cyllido er mwyn cael gwybodaeth.

Sicrhewch eich bod wedi cwblhau’r cynllun Marchnata drafft, a’r cynlluniau Cyhoeddusrwydd a Nawdd.

Arbedwch amser drwy gysylltu â sefydliadau cyllido cyn gwneud cais ffurfiol. Mae gan bob corff cyllido ei broses a’i amserlen gymeradwyo ei hun.

Bydd nifer o’r cyrff hyn yn darparu arweiniad ar sut i wneud cais, meini prawf ynglŷn â sut y maent yn barnu ceisiadau a ffurflen gais. Mae’r rhan fwyaf ohonynt yn fodlon siarad ag ymgeiswyr a rhoi cyngor ac arweiniad.

Sicrhewch fod y wybodaeth ganlynol wrth law gennych pan fyddwch yn cwblhau’r ffurflenni cais:

• cyllidebau
• cynllun marchnata a chyhoeddusrwydd
• cynllun nawdd
• gwybodaeth ynglŷn â statws eich sefydliad
• manylion banc
• os ydych wedi’ch cofrestru ar gyfer TAW.

Sicrhewch yr ymdrinnir â phob cais am gyllid mewn ffordd broffesiynol. Gall trysorydd cyfetholedig gyda chefndir ariannol/cyfrifyddol roi cyngor allweddol ynglŷn â hyn.

Cofiwch os yw eich cais am gyllid o ffynhonnell gyhoeddus yn llwyddiannus, bydd amodau yn gysylltiedig â hynny. Sicrhewch eich bod yn deall ac yn cydymffurfio â’r amodau hyn.

Pwyntiau Allweddol

• Nodwch eich anghenion cyllido
• Gwiriwch eich cymhwysedd i gael cyllid
• Ymdriniwch â’r broses mewn modd proffesiyno
• Sicrhewch eich bod yn deall unrhyw amodau cysylltiedig yn llawn cyn llofnodi

Gweler Hefyd:

1.8 Sicrhau cyllid
2.1 Cadarnhau pwy sy’n gwneud beth
2.4 Cyllideb Ddrafft

2.6 Datblygu Cynllun Marchnata
2.8 Nawdd
2.9 Datblygu cynllun cyhoeddusrwydd/cyfryngau
3.4 Cyllideb Derfynol
Adran 7 Rhestrau Cysylltiadau Rhanbarthol
Adran 7 Astudiaethau Achos