Mae cynllunio cysylltiadau cyhoeddus a gweithgareddau’r cyfryngau yn rhan bwysig iawn o’r gwaith o hyrwyddo delwedd a gwerthu cysyniad yr ŵyl neu’r digwyddiad. Dylech gynllunio a gweithredu'r rhain mor broffesiynol â phosibl a dyrannu adnoddau digonol.

Defnyddiwch eich cynllun marchnata i’ch helpu i benderfynu pa fath o sylw yr ydych yn bwriadu ei ddenu, a pha ardal ddaearyddol yr ydych eisiau ei thargedu:

• rhestrwch pa gyfryngau yr ydych am eu defnyddio i roi sylw i’ch digwyddiad (gweler y rhestrau cyswllt rhanbarthol)
• nodwch eich gohebydd/gohebwyr lleol
• cysylltwch â nhw gyda manylion cychwynnol ar gyfer eu dyddiaduron newyddion

Wedi i chi wneud cyswllt cychwynnol, cynlluniwch eich ymgyrch cyhoeddusrwydd ac ymgyrch y cyfryngau:

• darparwch y newyddion diweddaraf yn rheolaidd (e.e. artist/iaid a gontractiwyd)
• pwysleisiwch yr agweddau/elfennau gwahanol
• rhowch sylw i’ch noddwyr
• rhowch newyddion yn union cyn ac ar ôl y digwyddiad

Sicrhewch fod pob datganiad i’r wasg/cyswllt â’r cyfryngau yn werthfawr. Cofiwch y gall gormod o ddatganiadau i’r wasg a chysylltiadau â’r cyfryngau fod yn wrthgynhyrchiol.

Darparwch luniau i bapurau lleol. Er enghraifft, enillwyr cystadlaethau, digwyddiadau newydd/anarferol, pobl bwysig, seremoni agoriadol. Defnyddiwch ffotograffydd proffesiynol bob tro sydd wedi arfer â chyflenwi lluniau i’r wasg.

Mae cael sylw ar y radio/teledu yn anos, ond mae’n bosibl os oes gennych stori unigryw neu stori o ddiddordeb arbennig. Sicrhewch fod pwy bynnag a gyfwelir wedi eu briffio’n llawn ac yn ddigon hyderus i ymgymryd â’r math hwn o gyfweliad, rhywun sydd eisoes wedi rhoi cyfweliadau i’r cyfryngau os yn bosibl.

Pwyntiau Allweddol:

- Dylech gyfleu eich neges Cyhoeddusrwydd/Cyfryngau mewn modd proffesiynol
- Byddwch yn realistig am y math o sylw y byddwch yn debygol o’i gael
- Sicrhewch fod pawb y cyfwelir â hwy wedi’u briffio’n llawn

Gweler Hefyd:

2.4 Cyllideb
2.6 Datblygu Cynllun Marchnata
2.8 Nawdd
Adran 7 Astudiaethau Achos
Adran 7 Rhestrau Cysylltiadau Rhanbarthol