Pan fyddwch yn drafftio’r gyllideb, ystyriwch yr holl gostau a ffrydiau refeniw.

Efallai y bydd angen i chi gyflwyno eich cyllideb i sefydliadau cyllido. Gwiriwch pa wybodaeth sydd ei hangen arnynt cyn cwblhau’r gyllideb.

Lluniwch gyllideb ddrafft yn gyntaf i’ch helpu i amlygu unrhyw ddiffyg posib yn y cyllid. Dyma fydd y swm y bydd angen i chi ddod o hyd iddo drwy ffynonellau allanol a/neu nawdd.

Dylech bob amser ganiatáu swm wrth gefn, a pheidiwch â thanamcangyfrif costau yswiriant. Mynnwch ddyfnbrisiau cyn i chi lunio’r gyllideb derfynol.

Mae enghraifft o gyllideb amlinellol /llif arian drafft (mewn fformat MS Excel) ar gael yma. Gallwch ychwanegu neu ddileu penawdau yn yr adrannau gwariant a refeniw.

Bydd angen y canlynol arnoch:

• amlinelliad o’r costau ar gyfer pob pennawd gan bob aelod o’r tîm trefnu
• amcangyfrif o’r refeniw o’r holl weithgaredd masnachol
• ffioedd proffesiynol a ffioedd ymgeisio
• dyfynbrisiau ysgrifenedig
• peidiwch ag anghofio cronfeydd wrth gefn

Bydd y gyllideb ddrafft yn nodi unrhyw ddiffygion o ran cyllid. Dylai’r tîm drafod y gyllideb ddrafft cyn ei chwblhau.

Dylai unrhyw ddiffyg a nodir ffurfio’r sail ar gyfer ceisiadau ar gyfer cyllid allanol ac/neu nawdd.

Pwyntiau Allweddol:

• Mae cyllido bob amser yn anodd, yn enwedig y tro cyntaf y caiff digwyddiad ei gynnal.
• Mae cyllido yn hanfodol – mae’n sicrhau bod yr incwm a’r gwariant a ragwelir yn realistig ac yn gyraeddadwy. Cymerwch amser wrth baratoi’r gyllideb.

Gweler Hefyd:

1.5 Agor cyfrif banc
1.8 Sicrhau cyllid
2.1 Cadarnhau pwy sy’n gwneud beth
2.4 Enghraifft o Gyllideb/Llif arian
2.8 Nawdd
3.2 Gwneud Cais am Gyllid
3.4 Cyllideb Derfynol