Er mwyn rhedeg gŵyl yn effeithlon mae angen tîm rheoli/trefnu gyda strwythur cadarn.

P’un a yw eich digwyddiad yn fach neu’n fawr, wedi ei redeg gan wirfoddolwyr neu swyddogion taledig, sicrhewch ei fod yn rhedeg yn rhwydd drwy gadarnhau o’r dechrau pwy sydd ar y pwyllgor/tîm a beth yw eu swyddogaethau unigol.

Rhaid ymdrin â swyddogaethau trefnu penodol:

• cyllid/ariannu
• Iechyd a Diogelwch
• marchnata a chysylltiadau cyhoeddus
• trefn/rheolaeth y lleoliad
• cyfreithiol/contractau

Rhaid dyrannu pob swyddogaeth unigol a amlinellir yn y siart LLINELL AMSER i un o’r prif gategorïau uchod.

Cyn i chi ddyrannu unigolion i’r swyddogaethau hyn, ystyriwch:

• sgiliau a chymwysterau unigol
• argaeledd amser
• hoffterau’r unigolyn

O fewn sefydliad presennol efallai y gallech ddyrannu swyddogaethau i swyddogion presennol gyda chyfrifoldebau tebyg.

Mewn sefydliad gwirfoddol, ystyriwch gyfethol unigolion gyda sgiliau priodol, e.e. cyfreithwyr, cyfrifwyr, er mwyn caniatáu i’r pwyllgor trefnu ganolbwyntio ar weithredu’r ŵyl/digwyddiad.

Pwyntiau Allweddol:

• Cadwch y prif Bwyllgor Trefnu mor fach â phosibl
  - Adeiladwch ar gryfderau unigol wrth ddyrannu cyfrifoldebau
  - Cyfetholwch arbenigwyr os ydynt ar gael
  - Sefydlwch broses gyfathrebu effeithlon rhwng aelodau’r pwyllgor

Gweler Hefyd:

1.2 Ffurfio Pwyllgor
1.11 Tîm Trefnu
Adran 6 Rhoi Digwyddiad Ar Waith - Cynllun Gweithredol